I løpet av dagen var elevane innom fleire fagområde, mellom anna teknologi- og industrifag (TIF), elektro, studiespesialisering og helse- og oppvekstfag. Gjennom praktiske aktivitetar, omvising og møte med både elevar og lærarar fekk dei sjå korleis undervisninga føregår og kva moglegheiter dei ulike utdanningsprogramma kan gi. For mange er valet av vidaregåande opplæring eit stort og viktig val. Slike besøk gir elevane verdifull erfaring og betre grunnlag når dei seinare skal søkje skuleplass. Det er ofte lettare å sjå for seg kva ein ønskjer å arbeide med i framtida når ein får prøve aktivitetar og stille spørsmål til dei som allereie går på utdanningsprogramma.

Me takkar Kvam vgs for eit godt opplegg og ein lærerik dag. Elevane reiste heim med nye erfaringar, meir kunnskap om moglegheitene i vidaregåande skule og forhåpentlegvis litt meir tryggleik rundt vala som ventar.