Svoltne barn kan ha vanskeleg for å konsentrere seg. Skulemåltidet er viktig for trivsel, helse og eit godt skulemiljø.
Foreldre kan bidra til at barna et nok og riktig mat ved å passe på at dei et frukost, og at matpakken eller skulematen inneheld nok sunn mat og drikke.
Kostråda gjeld og for skulematen. Måltida i skulen er ein vesentleg del av dei fleste elevars daglege inntak av mat og drikke. Uansett om maten er medbrakt eller servert, har det mykje å seie for det totale kostholdet kva skulematen består av.
For å sikre at barnet får i seg ulike næringsstoff bør skulemåltidet innehalde matvarer frå tre ulike kategoriar:
1. grovt brød, grove kornprodukt, havregrøt, poteter eller fullkornspasta
2. grønnsaker, frukt eller bær
3. proteinkjelde som fisk, vegetar (linser, bønner, kikerter og andre erter), ost, egg eller kjøtt
Døme på innhald i matpakken
Sjå nasjonal fagleg retningslinje for mat og måltid i skulen i vedlegg i margen til høgre.