Me på Klepp ungdomsskule ønskjer alle elevane og heimane ei skikkeleg god påske!

Første dag etter påska blir onsdag 15. april - og det blir heimeskule. Regjeringa har bestemt at det blir heimeskule ut april.

Det er viktig at me står saman i denne spesielle situasjonen, og samarbeider så godt me kan.

Me klappar for innsatsen elevane og de heime har gjort i desse vekene med heimeskule! 

God påske!

Oppdatert 08.04.20

Regjeringa har bestemt at det blir heimeskule vidare ut april.

Det blir heimeskule frå onsdag 15. april.

Det vil koma nye pressekonferansar utover i april frå statsminister Erna og regjeringa, som vil seia meir om korleis tida blir framover for våre ungdomsskuleelevar. Det kan koma endringar, men pr nå ser det ut som skulen er stengt ut april.

Forventningar til heimeskule

Elevane har ikkje fri, men skal sjekka arbeidsplanen på heimesida, og ha heimeundervisning. 

Informasjon vil bli oppdatert på heimesida - og det blir sendt melding på SchoolLink. 

Forventning til elevane:
- Starte skuledagen 08:00. 
- Sjekka arbeidsplanen i starten av kvar dag.
- Utføra innhaldet på arbeidsplanen innan tidsfristane som er gitt.
- Halde digital kontakt med lærarane ved behov.
- Gjera sitt beste i denne spesielle situasjonen.

Forventning til lærarane:
- Vera tilgjengeleg for elevane.
- Gje arbeid til elevane og ha oppfølging med dette.
- Holda kontakten (digital) med elevane sine.

Forventningar til foreldre/føresette
- Hjelpa til å få struktur på dagen.
- Støtta ungdommen i å få gjort det ein skal.
- Halde kontakten (SchoolLink) med kontaktlærar ved behov (t.d ved sjukdom).
- Halde seg oppdatert på heimesida (lurt å abonnera)

Hugs at læring er viktig - men det viktigaste er å ha det best mogleg i ein spesiell situasjon. Ta vare på kvarandre - utan å ta på kvarandre. Gje omsorg utan klem, sjå kvarandre og snakk i lag.

Sigurd Ravndal
Rektor

Om koronaviruset: følg med på Folkehelseinstituttet og på Klepp kommune.

Skriftleg og munnleg eksamen for 10. klasse er avlyst. 

Elevane får vitnemål. På vitnemålet vil det stå at eksamen er avlyst. Det vil ikkje få konsekvensar for inntak til vidaregåande skule. Det vil vera standpunktkarakteren som er gjeldande som sluttvurdering.

De finn meir informasjon om dette på Udir.no

Her finn du informasjon om Klepp kulturskule.

Korleis søkja plass og infoskriv finn du ved å klikka Les meir.

Me deltek i ein nasjonal dugnad for å kjempa mot koronaviruset.

Skulane er stengde, og me skal unngå å få smitta sjølv - og me skal hindra at me fører smitta over til andre. 

- Unngå at barna og ungdom samlast i grupper og hindre nærkontakt, eit eksempel på aktivitet som bør kuttast er fotball i ballbinge.

- Det bør ikkje samlast mange barn/ungdom i samme heim, råda for serveringsbransjen er per i dag at det skal leggjast opp til minimum 1 meter avstand mellom gjester. For våre unge bør me leggja opp til minst same minimumsavstand.

- Ha høgt fokus på hygiene som handvask og hosting/nysing.

- Tenk over korleis du handterar mat.

- Ikkje overlat barnepass til personar som er/kan vera i ei risikogruppe.

- Barneselskap, feiringar og liknande arrangement bør utsetjast.

- Bruk sunn fornuft, og vurder dei ulike situasjonane for å unngå smitte.

Alle må ta ansvar for ikkje å bli smitta - og for at du ikkje smittar andre. Alle har me nokon i risikogruppa som denne dugnaden skal verna om.

Klikk på Les meir for film og meir info.

Til alle elevar og foreldre / føresette

Bilete viser tomt klasserom - for det er heime det skjer!

Heimeundervisninga og kontakt
Heimeundervsning skjer nå i alle heimar, og elevane står skikkeleg på. I tillegg arbeider lærarar for fullt for at fjernundervisninga skal fungera. 

Det er ikkje noko ferie, det har sikkert mange kjent på. Me ønskjer at alle skal ha de godt i denne spesielle situasjonen. Ta kontakt med kontaktlærar for eleven om det skulle vera noko. 

Mai Ragnhild Svendsen er miljøterapeut og sosiallærar - ho er klar for at elevar ringer direkte til henne viss dei ønskjer å ha nokon å snakka med (tlf 975 65 763).

Digitale ressursar 
Her er det mykje ute nå fritt til bruk, og me har samla nokre få lenker til høgre under "Digitale ressursar".

Lærarane legg og ut spesifikke ressursar direkte i arbeidsplanen.

Brettboka gir tilgang til veldig mange fagbøker og lettlest-bøker. Korleis logga inn? - Klikk på Les meir 

Barn frå barnehager og frå barneskular blei engasjert og aktive i forestillinga Hompetitten - og jammen blei ungdomsskuleelevane revne med dei og! 

Det er elevane i valfaget Sal og Scene på 9. og 10. trinn som framfører sang, dans og skodespel.

Utruleg bra levert - publikum koste seg!

Sjekk ut bileta - klikk på Les meir.