Eit nytt kapittel er ferdigskrive, og for eit
kapittel det har vore! Skuleåret 2024–2025 har vore fullt av fagleg innsats,
samarbeid, latter og utvikling.
10. trinn har imponert stort med både
skriftlege og munnlege eksamenar – og i går sette dei eit verdig punktum med
ein stemningsfull og minnerik avslutningsfest. Det var ein dag med både tårer
og smil, ei blanding av vemod og glede.
Juni har bydd på gode opplevingar for heile
skulen: flotte turar, solglimt mellom regndropar – og ei heftig
kanonballturnering der både konkurranseinstinkt og kondis vart sett på prøve.
No ønskjer vi alle elevar og føresette ein
riktig god sommar.Takk for tilliten, samarbeidet og for at vi får lov til å
vera ein del av kvardagen til så mange fantastiske ungdommar. Me gleder oss allereie til å møtast igjen
God sommar frå oss alle på Lye ungdomsskule 🌼☀️