Med fokus på sjø
Ølve Montessoriskule er godt i gong med "sjøveka".
Publisert: 03.09.2020 13:30 Sist endra: aldri Forfattar: Hildegunn Håbrekke
Ro, trekkja garn og teiner, læra om skjel, tang og tare, småkryp og fisk, byggja båt, fiska, røykja fisk og eta fisk, laga middag med fisk, læra livredding og knopar. Dette er noko av det elevane ved Ølve Montessoriskule skal få gjera denne veka. Me er heldige som bur så nær fjorden og alt det spanande som høyrer med den. Veka starta med eit nydeleg haustvêr, men litt regn skal me tåla òg. I dag har elevane studert fisken sine delar og funksjonar. Dei har opna den opp og sett på auger og hjerne, og lært om korleis fisken lever.