Ei spennande reise med trekkfuglane
Den
kulturelle skulesekken - Fuglenes farlige ferd
Publisert: 13.02.2026 14:50 Sist endra: aldri Forfattar: Hege Byrkjeland
Skulen
hadde besøk av forfattar Andreas Tjernshaugen, som presenterte
barneboka Fuglenes farlige ferd. Han tok elevane med på dei lange og
risikofylte reisene som trekkfuglane legg ut på frå Noreg til Afrika.
Høgdepunktet var historia om Freddy, ei ung fiskeørn som berre nokre månader
gammal legg ut på si aller første reise heilt åleine. Elevane følgde spent med
då Tjernshaugen viste korleis Freddy må finne mat, unngå farar og orientere seg
over enorme avstandar.
Undervegs fekk elevane òg høyre korleis folk langs trekkrutene snakkar ulike
språk og har ulike namn på dei same fuglane.
Det var ei lærerik oppleving – mange elevar sat att med ny
kunnskap om både naturen og dei utrulege prestasjonane fuglane gjer kvar
einaste haust.