Dronning Sonjas skulepris 2025
Flinke elevar laga flott feiring i gymsalen.
Publisert: 12.03.2026 11:06 Sist endra: aldri Forfattar: Hege Byrkjeland
Dronning Sonjas
skulepris blir delt ut annakvart år til skular som utmerker seg i arbeidet med
å fremja inkludering og likeverd i skulemiljøet.
Hennar Majestet Dronning Sonja tok sjølv initiativ til prisen i 2005.
Det er
statsforvaltarane som nominerer skular til prisen. Vinnarskulen får 250 000
kroner og eit kunstverk utforma av Dronninga.
Av 2663
grunnskular i Noreg var Samnanger barneskule éin av 17 nominerte til den gjeve
prisen. Denne gongen vart prisen tildelt Skaun ungdomsskole i Trøndelag.
Samnanger
barneskule blei nominert fordi skulen utmerka seg i arbeidet med å fremja
inkludering, likeverd og eit trygt og godt skulemiljø for alle elevar.
Anne Boge frå Statsforvaltaren
i Vestland, ordførar Karl Kollbotn, kommunalsjef for oppvekst Irene Ullensvang, FAU-leiar Anders Aadland Fossmark, rektor Eli Kristin Berge og alle elevane og tilsette på skulen var samla i gymsalen til feiring.
Flott program der elevar frå ulike trinn framførte dans, song, musikk,
diktlesing og rollespel.