Les deg til Ullevaal - Lesekonkurranse

Informasjon til føresette – lesekonkurranse i Time kommune

Erling Braut Haaland inviterer alle elevar på mellomtrinnet og ungdomstrinnet i Time 
kommune til å delta i ein spennande lesekonkurranse. Bakgrunnen er ei heilt spesiell 
gåve: Han har gitt ei sjeldan utgåve av Snorres kongesoger for å inspirera barn og 
unge til å oppdaga lesegleda og leva seg inn i gode forteljingar.

Konkurransen går føre seg i to periodar, november og januar. I desse periodane vil 
elevane få tid til lesing på skulen, og dei blir i tillegg oppmoda til å lesa i fritida.
Elevane registrerer kor lenge dei les i appen BookBites, og det er talet på minutt som 
tel. Klassane konkurrerer samla, slik at dette blir eit lagarbeid der alle bidreg. 

For at konkurransen skal vera rettferdig og motiverande, gjeld desse hovudprinsippa:
• Lesing av bøker, teikneseriar og aviser tel
• Lesing på skulen og i fritida tel
• Lærebøker, leseleksa og å bli lest for tel ikkje
• Konkurransen er basert på tillit og ærleg registrering av lesing 

Me ønskjer å oppmoda dykk som føresette til å støtta opp om lesing i fritida i desse 
periodane. Lesing saman, å snakka om bøker eller å leggja til rette for lesestunder 
kan vera gode måtar å bidra på.
Målet med konkurransen er ikkje berre å vinna, men å skapa leseglede, gode 
lesevanar og engasjement hos elevane

Premien er heilt spesiell.
I februar blir det trekt ut ein klasse frå mellomtrinnet og ein 
frå ungdomstrinnet, av dei klassane som har 20% mest lesetid. I tillegg vil det bli 
trekt ut 10 individuelle elevar blant dei som har 20% mest lesetid. Desse får reisa til 
Ullevaal stadion våren 2027 for å oppleva landskamp saman med Erling Braut 
Haaland og det norske landslaget. 

Me håpar de vil vera med og motivera dykkar barn til å lesa, registrera ærleg, og 
bidra til at dei får gode leseopplevingar og leseglede