Eit skuleår er bare 190 dagar. Me ber om at ferieturar ikkje blir lagt til desse dagane.
Det blir ikkje gitt permisjon i følgande periodar for elevar som skal ha: - Nasjonale kartleggingsprøvar 1. og 3. klasse - Nasjonale prøvar 5., 8. og 9. klasse - Skriftleg og munnleg eksamen.
Dersom det er behov for permisjonar må det søkast om dette i god tid.
Lov om grunnskoleopplæringa og den vidaregåande opplæringa (opplæringslova) § 2- 2 fjerde ledd og etter delegert mynde.
"Når det er forsvarleg, kan kommunen etter søknad gi den enkelte eleven permisjon i inntil to veker.
Elevar som høyrer til eit trussamfunn utanfor Den norske kyrkja, har etter søknad rett til å vere borte frå skolen dei dagane trussamfunnet deira har helgedag.
Det er eit vilkår for retten at foreldra sørgjer for nødvendig undervisning i permisjonstida, slik at eleven kan følgje med i den allmenne undervisninga etter at permisjonstida er ute."
Kontaktlærar kan innvilga permisjon for inntil to skuledagar. Rektor kan innvilga permisjon for inntil ti skuledagar. Kontaktlærar og rektor kan innvilga permisjon heilt eller delvis, eller gi avslag på søknaden om permisjon.
Høve til å gje permisjon begrenser seg til å gje enkeltelevar fri etter ein individuell forsvarlighetsvurdering.
Alle søknader om permisjon skal sendast ved å nytta søknadskjema i Visma Flyt Skule, uavhengig permisjonslengd.