I april har det vore mykje fint vær,
spesielt nå på slutten. Barna har kosa seg ute og leika i sanden, sykla, hoppa
strikk, tau og paradis. Barna har òg brukt tepper til å lage hengekøyer, og me
har ete fleire måltid ute i sola.
To tysdagar har barna fått vere med å bake
til måltidet. Det var veldig kjekt å sjå korleis dei kosa seg, både med bakinga
og med å ete det dei hadde laga etterpå.
På Høle SFO jobbar me med leikekompetanse
kvar dag. Leik er ein viktig del av utviklinga til barna, og gjennom leiken
lærer dei å samarbeide, kommunisere og vise omsyn til kvarandre.
Me øver på å inkludere andre i leiken,
forstå og følgje reglar, og handtere små konfliktar som kan oppstå. Barna får
støtte i å tolke sosiale situasjonar, vente på tur og finne gode løysningar
saman.
Målet vårt er at alle barn skal oppleve
meistring, tilhøyrsle og glede i leiken, og utvikle ferdigheiter dei tek med
seg vidare - både på SFO og elles i kvardagen.