September har vore ein månad med variert aktivitet, kreativitet og gode stunder saman.
Me har bakt og sydd, og barna har fått bruke både hendene og fantasien. I gymsalen har me hatt ulike aktivitetar med rom for rørsle, leik og samarbeid. På musikkrommet har me dansa og spelt på Launchpad, som er ein fin måte å utforske musikk og rytme på.
Me har òg vore mykje ute, med god tid til fri leik. Leiken gir barna høve til å vere saman, byggje vennskap og dele opplevingar.
Kvar torsdag har me besøk av elevar frå ungdomstrinnet hos oss som ein del av arbeidslivsfaget. Det er ein fin liten gjeng som finn på mykje kjekt saman med barna.
Gode måltid har vore ein viktig del av kvardagen . Rundt bordet får me tid til å roe ned, prate saman og nyte maten i fellesskap.
Takk for ein fin september! Me gler oss til nye opplevingar saman i oktober.