Fredag 11.september tok 3. og 4.klasse turen til Vitenfabrikken i Sandnes. Fyrst var me på fysikkshow. To ivrige damer viste korleis ein kunne lage sky i ei plastflaske, og at det hadde med høgtrykk og lavtrykk å gjere. Dei viste og fleire andre kule eksperiment med blant anna vakum, rakettar og kanonar. Dei fekk til og med blått vatn til å suge seg opp i ei flaske som vart haldt opp ned.
Etterpå gjekk me klassevis i planetariet, utstillinga og på Abelloftet. På Abelloftet fekk elevane i 3.klasse prøve seg på det klassiske problemet med korleis bonden kan få med seg høna, geita og ulven over elva, når han kun har plass til ein i båten om gongen. 4.klasse måtte finne ut kor mange hopp froskar måtte ta for å bytte plass på liljeblada. Kunne dei finne eit mønster i kor mange hopp dei blei om ein auka antal froskar?