Korleis ser skulen ut? Kva er det vi gjer der? Og kva i alle dagar er eit friminutt? Kanskje du og lurer på om det blir tid til å leike med vennene dine?

Denne filmen er laga for å gi deg og foreldra dine eit lite glimt av kva som ventar når du skal byrje på skulen. Og visste du at denne filmen og er ein stor "high five" til alle lærarane som gjer ein superviktig jobb kvar einaste dag? Dei passar på at skulen er ein trygg, morosam og inkluderande plass for alle som kjem dit.

Bli med inn i klasseromma på 1. trinn på Sagstad skule! Her får du sjå korleis det er å vere ein skuleelev på Sagstad skule i 2025. Kanskje du får auge på noko du gler deg ekstra mykje til..