Drifta av Galtvort høgare skule for hekseri og trolldom avdeling Sjernarøy går mot slutten.
Dei siste fire vekene har mellomtrinnet hatt temaveker på skulen. Me har hatt Harry Potter-tema! Norsk, matematikk og engelsk på timeplanen, har me skifta ut med andre fag som urtologi, eliksirar, flyvning og aritmantikk.
Ved hjelp av ein internett-quiz fann me ut kva hus kvar elev tilhøyrde. Deira hus har vore deira samarbeidsgruppe i alle fag desse vekene. Saman har dei sanka poeng, for det huset med flest poeng siste dagen vinn huspokalen!
Me har spelt rumpeldunk, laga hostesaft, sanka ulike urter til bruk i kvardags og magi, laga eigne tryllestaver, lærd oss om urter, lest mykje om Harry Potter-verda, lært oss magiske triks og utfordra oss på fleire ulike vis.
Det har vore lærerikt for både elev og lærarar, og absolutt noko me kan gjera igjen!