Fredag 9. mai var det matematikkdag på Storebø skule, og elevane på 5.–7. trinn fekk oppleve matematikk på ein litt annan måte enn vanleg. Heile trinnet var delt inn i aldersblanda grupper som samarbeidde om ulike oppgåver knytt til matematikk.
Opplegget var lagt opp som ei variert og praktisk økt med problemløysing og aktivitetar ute i det fine vårvêret. Elevane fekk bruke både hovudet og kroppen i møte med oppgåver som utfordra logisk tenking, samarbeid og kreativitet.
Det vart ein lærerik og kjekk dag, der gleda over å løyse matteoppgåver saman stod i fokus. Smil, sol og engasjement prega dagen, og både lærarar og elevar kunne sjå tilbake på ei positiv oppleving.