Fredag 27. mars vart det arrangert kommunefinale i Ungt Entreprenørskap for Austevoll kommune. To grupper frå Storebø skule deltok i konkurransen, saman med to grupper frå Selbjørn skule og Kolbeinsvik Montessoriskule. Det vart ei spennande tevling, der Kolbeinsvik til slutt trekte det lengste strået og sikra seg plass i fylkesfinalen.
Etter konkurransen fekk deltakarane ei omvisning på Austevoll vidaregåande skule. Der fekk vi mellom anna prøve ein båtsimulator, der vi kunne styre og køyre båt, og vi fekk også sjå den nye fiskehallen som nyleg er opna ved skulen.