Vi er glad for at så mange av dykk (76%) har svart på undersøkinga. Vi er og svært glad for at det er ei fornøgd foreldregruppe vi har!
De seier at elevane trivs godt på skulen,og at elevane stort sett gler seg til å gå på skulen og er interesserte i å læra. De fortel at elevane har gode vener og at dei opplever at lærarane ser dei. De er svært fornøgde med både korleis de sjølv, og lærarane følgjer opp ungane dykkar. De er fornøgde med korleis skulen handterer mobbing, men nokre har litt å utsetje på korleis vi følger opp elevar som av og til vert plaga av andre. Foreldre opplever at det er god arbeidsro, med litt variasjon i klassane. Oppgåvene elevane får er passe utfordrande for elevane , og det er rom for å gjer feil i klasserommet. De opplever at kommunikasjonen med skulen er svært bra, og opplever å bli tatt godt imot når de kontaktar skulen. Når de i tillegg opplever at de har god medverknad på skulesituasjonen til dykkar ungar, er vi svært glade.
Takk for tilliten de viser oss gjennom svara i denne undersøkinga!
Vi skal gå inn i tala for dei einskilde spørsmåla, og gjere det vi kan for å verte endå betre.