Dei to damene frå Nordhordland Husflidslag, Aud Marit Halland og Bente Irene Solveit, og skulen si eiga Kirsten (som lagar den fantastiske "Kirsten-grauten") frå Helselaget var så greie å dele strikkekunnskapen sin med elevane. Det er godt å vere fleire vaksne som kan hjelpe til når ein heil gjeng skal læra seg strikkekunsten på ein gong.

Det var rett nok allereie nokre elevar som var godt igong med strikkepinnane, men det var og ein del som strikka sine første maskar idag. 

I tillegg til å gje god strikkerettleiing og hjelp til å øve teknikk, demonstrerte Aud Marit frå Husflidslaget bridging (fletting) av hoseband til herrebunad.

Då økta måtte avsluttast og strikketøya surrast saman, fekk dei gode hjelparane ein varm appluas - og det var ikkje eg som lærar som oppforda til den takken. Det gjorde elevane heilt sjølv! Dei vart ønska hjarteleg velkomen tilbake.