Namnet "seksæring " tyder at det er tre årepar i båten. 

Å sette ut båten, ro båten og til slutt få båten opp på land igjen krevde innsats og samarbeid for alle. Dagen blei organisert slik at halve klassen gjekk på land til ein avtalt møtestad, og resten av klassen rodde båten ut dit. Etter ein god lunsj på møteplassen bytta vi slik at dei som gjekk ut, rodde inn igjen til Hestnes. Slik fekk alle erfaring med å ro i takt med fleire enn seg sjølv. Å ro kan vere vanskeleg nok åleine. Når seks elevar skal finne takta saman så krev det samarbeid. Men båten fekk framdrift både til og frå.