I haustferien (veke 41) vil det igjen vera ei rekke tilbod til barn og unge i Time.
Kommunen gjev støtte til lag og foreiningar som vil tilby aktiviteter som er gratis eller har svært låg kostnad for dei som deltek.
Sjå informasjon under og også meir utfyllande, der lenkane fungerer, i lenkesamlinga til høgre på forsida, "Haustferieaktivitetar".
Innebandy-camp
Frøyland IL arrangerer gratis innebandy-camp for 2.–7. klasse 8.–10. oktober. Sjå meir informasjon og påmeldingsskjema på nettsida til Bandyforbundet.
Haustverkstad hos Studio K
Studio K tilbyr haustverkstad i Møllekaféen, Bryne Mølle, i veke 41:
Kreativ verkstad med Kari Ann Lending Kleiveland, for 3. klasse og oppover, måndag–onsdag kl 10–12
Skriveverkstad med Ingrid Lensol, for 5. klasse og oppover, torsdag–fredag kl 10-13
Det er gratis å delta, men du må melda deg på på førehand. Påmelding: send namn og alder på deltakar, og kontaktinfo (telefonnummer og e-postadresse til deltakar/føresette) til studiok.prosjektrom@gmail.com
Meir informasjon finn du her.
E-sport
Jaðarr e-sport inviterer. Måndag til fredag i uke 41, 6.–10. oktober, kl 11–15. Deltakaren kan melda seg på ein eller fleire dagar. Aktivitetar vil gå føre seg i lokala til klubben på Vardheia ungdomsskole. Pris er 50 kroner per dag per person.
Meir informasjon finn du her (PNG, 3 MB)
Kulturbanken
Dans og kreative aktiviteter hos Kulturbanken, alle dagar frå mandag til fredag.
Meir informasjon finn du her
Turnskule
Bryne Turnlag arrangerer turnskule i veke 41 (6.–10. oktober) for 1.–7. trinn i Vardheihallen. Turnskulen varer frå kl. 09:30 til 14:00. Tilbodet er ope for alle og gir ei god innføring i turn. Aktivitetane blir tilpassa ferdigheitsnivået til kvar enkelt deltakar. Barna må ha med matpakke til lunsj. Ein vel sjølv dei dagane ein ønskjer å delta.
Påmelding til turnskule her
Care4all
Care4all arrangerer fleire aktivitetar i haustferien for barn, unge og familiar:
Måndag 6/10: Gåtur og utandørsaktivitet + servering.
Oppmøte: Sandtangen v/rådhuset kl 13.30
Tysdag 7/10: Stadion bowling + servering.
Oppmøte: Bryne stadion kl 13.30
Onsdag 8/10: Minigolf/glowinggolf Sandnes. Ta med mat.
Oppmøte: Luramyrveien 1, 4313 Sandnes* kl 13.30
Torsdag 9/10: Ulike inne-/utandørsaktiviteter.
Oppmøte: 1900-huset, Bryne kl 13.00
Laurdag 11/10: Kongeparken. Ta med mat.
Oppmøte: Kongsgata 20, 4331 Ålgård* kl 12.00
* = Transport til og frå Kongeparken og minigolf i Sandnes må ein ordna sjølv.
Påmelding til allatcare@gmail.com / 90928372. Det kan koma endringar på aktivitetane.