Det nærmar seg tida for året sin Olweusundersøking.

I lenkesamlinga til høgre her på forsida og på sidene til 4-7.trinn, finn de informasjon om undersøkinga.

Velkommen til foreldremøter våren 2024!

Torsdag 8. februar vert det innskrivingsmøte kl. 18.00 i aulaen, for dei som skal byrje i 1.klasse hausten 2024.

Tysdag 13. februar vert det foreldremøte kl. 18.00-19.30 for 1. og 2. trinn

Onsdag 14. februar vert det foreldremøte kl. 18.00-19.30 for 3. og 4.trinn

Torsdag 15. februar vert det foreldremøte kl. 18.00-19.30 for 5., 6. og 7. trinn

Foreldremøta på 1.-7. trinn startar opp i klassane med sin kontaktlærar kl.18.00-19.00. Deretter vert det ein fellesdel i aulaen 19.00-19.30, kor foreldre, lærarar og leiinga deltek.

Sett av datoane allereie no😊

helsing Gerd Rusdal
-rektor

Fleire dagar med kuldegrader har ført til at det er is på mange av vatna i kommunen.
I samband med dette vil me oppmoda alle føresette om å snakka med barna/ungdommane sine om ferdsel på islagde vatn. For eksempel at barn ikkje bør gå ut på isen før dei vaksne har sagt at dette er trygt. 

Nokre vatn der det er mykje straum, som for eksempel Mølledammen og Frøylandsvatnet, er aldri trygge. 
Du finn fleire råd på kommunen si nettside: Tenk tryggleik ved ferdsel på islagde vatn - Hovedportal (time.kommune.no) 

No er det mørketid og tid for å bruka refleksvestar, refleks i jakkar og på hjelmar, Husk og lys på syklar og sparkesyklar.

Refleks er den billigste livsforsikringen du kan ha!

Les meir om refleksbruk : Trygg trafikk

Tusen takk til bygda for alle bidrag til innsamlingsaksjonen vår 9.november. Dette året går alle pengane til eit mødrehjem i Etiopia.

Til no er det kome inn utrulege 134200,- og enno tikkar det inn bidrag🥰

Ny opplæringslov vart vedteken 09.06.23 og skal tre i kraft med verknad frå 01.08.24. Ei av lovendringane er at elevane på 8.- 10. trinn sjølve kan velja kva målform dei vil ha som hovudmål.

Hovudmålforma i Time kommune er nynorsk. Dette medfører at elevar som hausten 2024 skal byrja på ungdomstrinnet, må velja om dei heller ønsker bokmål som hovudmål. Dersom det er 10 eller fleire elevar på eitt trinn på ein ungdomsskule som vel bokmål, har dei rett til å gå i eiga gruppe. Dersom det er færre enn 10 elevar, men det er 10 eller fleire elevar på tvers av ungdomsskulane som vel dette, kan kommunen vedta kva skule som skal oppretta bokmålsgruppe. Dette kan medføra at elevar som ønsker bokmål, må gå på ein annan skule enn nærskulen.

I Time kommune kan elevar som skal starta på 8. trinn velja ein annan skule enn nærskulen. Som del av fordeling av ressursar til skulane, er det behov for å få ei oversikt over elevtal og kva målform elevane vel på den enkelte ungdomsskulen. Frist for å velja anna skule enn nærskulen er 01.12.23. Frist for å velja målform er 15.12.23.

Ved hjelp av føresette vel elevar som skal starta på 8. trinn kva målform dei ønsker som hovudmål på ungdomstrinnet, ved å nytta eige skjema. Lenke til skjemaet blir sendt ut i melding og e- post i appen Visma Flyt Skule. 

Lenke til ny opplæringslov 

§ 3-1.Bokmål og nynorsk for elevane i grunnskolen 

Elevane skal ha opplæring i bokmål og nynorsk. Departementet kan gi forskrift om fritak frå opplæring i eitt av skriftspråka for elevar som får opplæring etter §§3-2, 3-3, 3-4 eller 3-6.

Elevar på 1. til 7. trinn skal i det skriftlege arbeidet bruke det skriftspråket som kommunen har vedtatt som hovudmål for skolen. Foreldra til elevane vel om læremidla skal vere på bokmål eller nynorsk. Elevar på 8. til 10. trinn vel sjølve om dei skal bruke bokmål eller nynorsk som hovudmål, og om læremidla skal vere på bokmål eller nynorsk.

Når minst ti elevar på eitt av trinna 1 til 10 i ein kommune ønskjer eit anna skriftspråk som hovudmål enn det som er vedtatt for skolen, har dei rett til å bruke og å få opplæring på dette skriftspråket i ei særskild gruppe. Går ti eller fleire av desse elevane på den same skolen, har dei rett til å få opplæringa der. Er elevane spreidde på fleire skolar i kommunen, avgjer kommunen kva skole dei skal få opplæringa på. Retten til å få opplæring i ei særskild gruppe står ved lag så lenge det er minst seks elevar att i gruppa.

Dersom skolestrukturen i kommunen gjer at elevar må overførast til ein skole med eit anna hovudmål enn elevane hadde på 1. til 4. trinn, har dei rett til å bruke og å få opplæring på det hovudmålet dei hadde. Dei har rett til opplæring i faget norsk i ei særskild gruppe, same kor mange dei er.