Skulehelsetenesta sitt formål er, i samarbeid med skulen, å fremje elevane si helse, trivsel og læring og å auka deira helsekompetanse.
Hos helsesjukepleiar kan du spørje og snakke om det du lurer på, og ofte hjelper det å snakka med ein trygg fagperson. Du kan få råd og rettleiing om mellom anna; kropp og helse, pubertet, kjærleik, legning, kjønnsidentitet, vennskap, problem med venner eller familie, vanskelege tankar, følelsar og bekymringar.
Nokre gonger treng ein meir hjelp. Då kan skulehelsetenesta setja deg i kontakt med til dømes fastlege, fysioterapeut eller andre som kan hjelpa.
I Time kommune har vi denne planen for skulehelsetenesta i ungdomsskulen
8.trinn:
Helsesamtale med alle elevane i løpet av skuleåret: (Elevar og føresette får informasjon i starten av skuleåret).
Samtalar og oppfølging av elevar ved behov.
9.trinn:
Klasseundervisning i psykisk helse
Klasseundervisning i seksuell helse
Samtalar og oppfølging av elevar ved behov
10.trinn:
Vaksinering mot difteri, stivkrampe, kikhoste og polio (samtykkeskjema vert sendt ut i forkant på Helsenorge)
Besøk på HFU (helsestasjon for ungdom)
Samtalar og oppfølging av elevar ved behov