Informasjon til heimen v. 34-35

Velkommen til nytt skuleår! Me hadde gode dagar i sist veke, og gler oss til eit godt skuleår.

Kantinekort
Elevane fekk utdelt eit kantinekort på 8. trinn. I år vil det ikkje bli mogleg å kjøpa mat og drikke med kontantar, så alle må bruka Diggipay-kortet. Har ein mista kortet, kan ein kjøpa eit nytt kort for 50 kr i administrasjonen. Kantina opnar på måndag.

Bøker
Elevane har fått bøker i dei fleste faga i år. Det blir registrert kva boknummer eleven får, og slik har me oversikt over kven som låner kva for ei bok. Det er viktig at dokker legg bokbind på bøkene slik at me tar best mogleg vare på dei.

Fotografering
Fotografen kjem på besøk 25.-27. august. Fotograferingsdag for kvar klasse blir lagt ut på vekeoversikten for veke 35. Alle klassane skal ta gruppebilete, og alle elevane skal ta portrett. Desse bileta blir samla i ein skulekatalog som alle elevane får gratis på skulen. Dokker får i tillegg tilbod om å kjøpa fotopakker utanom direkte frå fotografen. Dette er valfritt.

Fri 6. time torsdag
Torsdag 6.time har alle klassane norsk anna kvar veke. Den veka me startar på ny vekeplan har elevane norsk. Den påfølgande veka har elevane fri denne timen. Det vil alltid stå på vekeoversikten om det er norsk eller fri. Naturlege «forskyvningar» som haustferie og liknande gjer at me ikkje seier partal/oddetal.

Ipad
Me minner om at elevane må ta godt vare på iPaden. Dei fekk iPad utdelt på torsdag, og det er viktig å oppdatera den og alltid lada den opp heime.

Mobilhotell
Me har ein mobilfri skule. Me oppfordrar elevane til å legga mobilen igjen heime. Dei som har mobilen med seg, må levera den inn i mobilhotell på skulen (sjå ordensreglar som ligg på heimesida under "Brev og beskjedar"). Fint om dei som ikkje har tatt ein prat om dette heime gjer det.

Heimesida
Me har fått ny heimeside til skulen. Den er ikkje heilt ferdig enda, men det ligg ute ein del informasjon allereie. Adressa er: minskole.no/bus
Hugs å abonnera på nyheiter.