Velkommen til ungdomsskulen!  

Kantinekort 
Elevane får utdelt eit kantinekort no på 8. trinn. I år vil det ikkje bli mogleg å kjøpa mat og drikke med kontantar, så alle må bruka Diggipay-kortet. Har ein mista kortet, kan ein kjøpa eit nytt kort for 50 kr i administrasjonen. Kantina opner på måndag. 

Bøker 
Elevane har fått bøker i dei fleste faga i år. Det blir registrert kva boknummer eleven får, og slik har me oversikt over kven som låner kva for ei bok.  Det er viktig at de legg bokbind på bøkene slik at me tek best mogleg vare på dei. 

Studietime eller fri 
På måndagar anna kvar veke er det studietime (leksearbeid på skulen), eller fri (elevene kjem på skulen 08:55). Studietimen skal alle elevane vere på skulen. I veke 34 er det studietime, i veke 35 er det fri.  

Heimesida 
Ei anna endring vil vere nettsida til skulen. Den har fått nytt design. No i oppstarten kan det vere at det manglar dokument som de leitar etter, men dette jobbar me med no kontinuerleg i oppstarten. Hugs å abonner for å enkelt få varsel når ting blir lagt ut. 

Fotografering 
Fotografen kjem på besøk 25.-27. august. Fotograferingsdag for kvar klasse blir lagt ut på vekeoversikten for veke 35. Alle klassane skal ta gruppebilete, og alle elevane skal ta portrett. Desse bileta blir samla i ein skulekatalog som alle elevane får gratis på skulen. Dei får i tillegg tilbod om å kjøpa fotopakker utanom direkte frå fotografen. Dette er valfritt. 

iPad 
Me minner om at elevane må ta godt vare på iPaden. Dei fekk iPad utdelt på torsdag, og det er viktig å oppdatera den og alltid lada den opp heime. 

Mobilhotell 
Me har ein mobilfri skule. Me oppfordrar elevane til å legga mobilen igjen heime. Dei som har mobilen med seg, må levera den inn i mobilhotell på skulen (sjå ordensreglar som ligg på heimesida under "Brev og beskjedar"). Fint om dei som ikkje har tatt ein prat om dette heime gjer det. 

Helsing oss på 8.trinn