Publisert: 19. desember 2025 | Sist endra: aldri | Forfatter: Iselin Gjære Lothe
God jul!
Me har hatt ei fin førjulstid på BUS, og klassane har hatt ulike aktivitetar i lag, samtidig som me har hatt innspurt i vurderingar og fagleg læring. Det har vore både aktivitetskalender, leikar, quiz, Bingo med Brit, juleverkstad, grøt, film og frokost. Miljøpersonalet har spreidd julestemning til heile nabolaget med å spela julemusikk tidleg på morgonen kvar måndag. Siste veka har elevrådet arrangert temaveke, og både vaksne og elevar har kledd seg ut i rockekostyme, afterskiantrekk og pysjamas. Onsdag kom alle i finstasen og me fekk vera med på ei nydeleg julegudsteneste arrangert av 10.trinn. I dag gjekk trinna rundt juletreet i kantina og sang julesangar.
Me ønsker alle ei god jul og ein god ferie, og ser fram til å sjå alle igjen måndag 5.januar kl 08.00.