Turdag 
Me kastar oss rundt og reiser på sykkeltur måndag 2.september. Informasjon er sendt til føresette på visma. 
Me har 1.time i klasserommet, og så reiser me ca kl 9.00, med retur frå stranda ca kl 12.30. Det blir ulike strandaktivitetar og bading for dei som vil. 
Pakkeliste: 
-Sykkel og hjelm(!) 
-Vanleg sunn matpakke (ikkje godteri og chips) 
-Drikkeflaske med vatn/juice/saft (ikkje brus eller energidrikk) 
-Handkle og badetøy om du vil bade 
-Solbriller, evt caps og solkrem 
-Noko å sitje på 
-Klær som du kan vere lett aktiv i 
Mobiltelefonen bør ligge att heime denne dagen, men dersom du må ha den med kan ein vaksen passe på den. 

Kick-off Elevbedrift 
Onsdag 4.september kjem Ungt Entreprenørskap på besøk igjen og arrangerer kick-off for Elevbedriftprosjektet me skal jobba med i haust. 
8.05-8.15: Fellessamling i aulaen, kort inspirasjonsøkt 
8.25-9.40: Kreative øvingar og idédugnad i klassane. Rettleiing frå UE i grupper. 
 
Foreldremøte 
Me kallar inn til foreldremøte for 9.trinn onsdag 18.september kl. 18.00 i aulaen på Bryne ungdomsskule.  

Nasjonale prøvar 
Me skal gjennomføre nasjonale prøvar i lesing og rekning i løpet av dei komande vekene. Informasjon om nasjonale prøvar finn de på heimesida vår. Me håper at elevane gjer sitt beste på desse, då me bruker resultata aktivt og justerer undervisninga deretter. 

Overnattingstur 
Elevar på 9.trinn skal delta på ein overnattingstur for å oppfylle fleire av kompetansemåla i kroppsøvingsfaget. Denne er altså obligatorisk. Me held på og planlegg denne, og følgjer med på vêrmeldinga om det kjem nokre dagar utan regn. De får meir informasjon av kontaktlærarane, men ver førebudd på at det kan skje på relativt kort varsel. Elevane får i oppgåve å kartlegga kva de har heime av telt og anna nødvendig utstyr, nokre treng gjerne litt hjelp med dette. 

Helsing oss på 9.trinn 

Fotografering og film av elevar er regulert av lov om personvern og datatilsynet. Skulen må difor henta inn samtykke frå føresette for at dette skal vera lov. Etter at elevane er 13 år skal dei sjølv samtykke til dette.

Velkomne til nytt skuleår! Håpar dokker har slappa godt av i sommar og at dokker er klare for eit nytt skuleår. Det var utruleg kjekt å sjå alle igjen førre veke. 

Bøker 
Elevane har fått bøker i matematikk, naturfag og språkfag slik som i fjor. I år skal me også få bøker i KRLE, men dei har ikkje kome enno. Det blir registrert kva boknummer eleven får, og slik har me oversikt over kven som låner kva for ei bok.  Det er viktig at dokker legg bokbind på bøkene slik at me tar best mogleg vare på dei. 

Fotografering 
Fotografen kjem på besøk 28.-30.august. Fotograferingsdag for kvar klasse blir lagt ut på vekeoversikten for veke 35. Alle klassane skal ta gruppebilete, og alle elevane skal ta portrett. Desse bileta blir samla i ein skulekatalog som alle elevane får gratis på skulen. Dokker får i tillegg tilbod om å kjøpa fotopakker utanom direkte frå fotografen. Dette er valfritt. 

Onsdag 1.time 
Onsdag 1.time har alle klassane norsk annakvar veke. Den veka me startar på ny vekeplan har elevane norsk. Den påfølgande veka har elevane fri denne timen. Det vil alltid stå på vekeoversikten om det er studie eller fri. (Naturlege «forskyvningar» som haustferie og liknande gjer at me ikkje seier partal/oddetal). 

Ipad 
Me minner om at elevane må ta godt vare på ipaden. Dei fekk ipad utdelt på torsdag, og det er viktig å oppdatera den og alltid lada den opp heime. 

Mobilhotell 
Nytt av året er at me har heilt mobilfri skule. Me oppfordrar elevane til å legga mobilen igjen heime. Dei som har mobilen med seg, må levera den inn i mobilhotell på skulen (sjå ordensreglar som ligg på hemesida under "Brev og beskjedar"). Fint om dei som ikkje har tatt ein prat om dette heime gjer det. 

Nye fag 
Dette året skal elevane ha mat og helse. Dette faget er avgangsfag, det betyr at karakteren dei får i juni blir ståande på vitnemålet. 
Elevane har også valgt nye valfag, men mange har valgt å ha det same faget som dei hadde i 8.klasse. 
Det er ikkje symjing på 9.trinn. 

Ny elev 
Denne veka får me ein ny elev på trinnet. Han heiter Harry og har nettopp flytta til Bryne frå England. Han skal gå i 9C, men vil vera mest i grunnleggjande norsk-klassen dette første året sitt her. Ta godt i mot han og snakk med han, då er det mykje lettare å læra norsk raskt.  

Minskole.no/bus 
Følg med på heimesida vår. Der legg me ut vekeoversikt, vekeplan, timeplanar, årshjul, brev og beskjedar. Det er lurt å abonnera på nyheiter frå 9.trinn. Då får du e-post når me legg ut noko nytt. Abonnement må fornyast kvart år. 

Helsing oss på 9.trinn 

Trinnoversikt over lærarar på Bryne ungdomsskule for neste skuleår 2024/2025

 

8. trinn - Avdelingsleiar: Monica Penne Norheim 

8A: Norunn Tveit og Sondre Maudal

8B: Kristin Hovin Thorsen og Andreas Sannarnes Kvitvær

8C: Stine Vigrestad Austad og Miriam Vølstad Vigre

8D: Kristian Mora og Anne Marie Jåtten

8E: Elina Reime og Jonas Aarrestad Trodahl

Faglærarar på trinnet: Elisabeth K. Jørgensen, Linda Nora Rogn, Anastasia Amosenkova og Øyvind C. N. Skuggedal.

 

9. trinn - Avdelingsleiar Iselin Gjære Lothe 

9A: Jørn Gabrielsen og Christine Espeland 

9B: Hege Oseland og Olav Skurve

9C: Mirijam Ueland og Helen Hetland Mori 

9D: Pål Endre Oftedal og Signhild Jenny Stave Samuelsen 

Faglærarar på trinnet: Elise Engelsvold Dommersnes, Hilde Jorunn Arnø Vetrhus, Vegard Vik, Kristian Mora.

 

10. trinn - Avdelingsleiar: Anna Magnussen Vik 

10A: Karen Hognestad Liland og Borghild Hognestad

10B: Egil Pollestad og Stian Emil Pettersen 

10C: Elin Rasdal Håland og Charlotte Tjelta Hansen

10D: Susanne Aarthun og Tale Tryggeseid Meling 

Faglærarar på trinnet: Erling Knutzen, Gonzalo Laguna Gonzalez, Mari Edland, Alf Tore Gjesdal, Anny Sør-Reime. 

Bryne ungdomsskule er ein Olweusskule, og det vil seia at me arbeidar jamnt og trutt med antimobbearbeid etter Olweusprogrammet.
Me har gjennomført Olweusundersøkinga på alle trinn, og årets mobbetal er 5,7%. Dette er lågare prosentvis enn det ein ser på landsgjennomsnittet.
Me er sjølvsagt ikkje nøgde med at nokre elevar blir mobba eller føler seg plaga, og dette jobbar me med dagleg for å få ned desse tala.

Me evaluerer undersøkinga grundig for å gjera endringar og setja inn nye tiltak. Undersøkinga blir tatt opp i alle klassane, i fellestid med lærarane, i elevrådet og i FAU.

Me er glade for at det er svært høg trivsel på skulen. Heile 96% av elevane seier at dei trives på skulen.

''Hei klassekontakter 8. og 9 trinn (9. og 10. trinn til høsten) 😊

Her kommer oppsett med fordeling av datoer for de ulike klassene for å gå natteravn høsten 2024. De klassene som er satt opp først i høst kan allerede nå få på plass hvilke foreldre som stiller før sommerferien tar til. Slik det er nå så fordeles natteravn dugnaden lørdager mellom Vardheia og Bryne ungdomsskule. Vardheia ungdomsskule går natteravn på våren og Bryne ungdomsskule på høsten, dermed blir de ulike klassene bare satt opp en gang i året.

Ta kontakt dersom dere lurer på noe. 

Vennlig hilsen

Anne Lovise Skailand

daglig leder
Blå Kors Bryne

Mob. 90974376''

Klage på vurdering er regulert i kapittel 5 i forskrift til opplæringslova. 
Elevar og føresette kan klaga på standpunktkarakterane på avgangsfag.
På 8.trinn gjeld dette valfag, på 9.trinn valfag og mat & helse og på 10. trinn gjeld det alle faga siste skuleår.
I 10. trinn har ein og klagerett på eksamen. 

Visma “Hjemmeweb” er erstatta med “Foresattportal”. 

Det er i hovudsak utsjånaden som blir endra. De vil ha tilgang til same informasjon og funksjonar som tidlegare. De kan framleis bruke den same linken som ligg på skulen si heimeside. 

Nå kan du trygt og enkelt avtale timer på helsestasjonen og med skolehelsetjenesten via Helsenorge. Her kan du se dine barns timeavtaler, hvilket barn som har timen, få oversikt over vaksiner og sende meldinger hvis du lurer på noe.
Du har fullmakt for dine egne barn under 16 år, når du har gitt fullt samtykke. Det finnes også mye god kvalitetssikret informasjon til deg som forelder.
På Helsenorge får du også oversikt over din egen helse. Med tilgang til kjernejournal, kommunikasjon med fastlege og sykehus, prøvesvar, frikort mm.
Logg inn på Helsenorge for mer informasjon om digital helsestasjon. 

Kilde: Skolehelsetjenesten på nett (ks.no)

Velkommen til foredrag torsdag 3. november kl 19.00 - 20.00 i Storsalen v/ Time bibliotek. Hetlandsgata 11. 

Foredragsholdere er Elisabeth Husveg Ramstad, familieveileder ved Familiesenteret i Time kommune og Siri Stueland, helsesjukepleier i Time kommune. 

Arr: Jæren DPS / Time bibliotek

Arrangementet er gratis. 

 

BRUK AV VERKTØYET «KLASSETRIVSEL» I TIME KOMMUNE

Skulen har plikt til å følgje med på at elevane har eit trygt og godt skulemiljø og at elevane trivst på skulen, jf. Kapittel 9A i opplæringslova. For å sikra dette, brukar skulen ulike verktøy og metodar. Dette er til dømes observasjon, elevsamtalar, dialog med føresette, logg, anonyme spørjeundersøkingar og ikkje-anonyme spørjeundersøkingar. Klassetrivsel er eit verktøy for ikkje-anonyme spørjeundersøkingar der ein undersøker elevane sin trivsel.
Les meir om Klassetrivsel, GDPR og datasikkerheit her

Bryne Røde Kors har leksehjelp for ungdomsskuleelevar på Biblioteket på Bryne kvar tysdag kl. 16.00-18.00.