Time kulturskule har søknadsfrist 1. mai for kulturskuleplass til hausten.

link til heimesida: https://www.timekulturskule.no

Under fanen "Brev og beskjedar" finner dere nå presentasjonen og et referat fra foreldremøte. Du kan også trykke på linkene under.

Presentasjon

Referat

Vurderingar 
I veke 11 vil det vera ei skriftleg vurdering i tysk tysdag. På onsdagen skal trinnet ha eit engelsk skriveøkt i 2 og 3 time. Her vil me òg trena på å ha Ipaden i "eksamensmodus".  
I veke 12 skal elevane i 9C ha fagsamtalar i KRLE, og dei som har spansk skal ha skriftleg vurdering på torsdagen. 

Utviklingssamtalar 
De får innkalling til utviklingssamtale dei komande vekene. Framovermeldingar ligg i Visma flyt skole. Flott om de har lese dei før samtalen. Eleven skal vera med på samtalen. 

Ungdomsmusikalen 
Elevar på 10.trinn i Kulturskulen har laga ein musikal som dei inviterer oss til å sjå i Storstova. Me skal dit torsdag 21.mars kl 9.30. 

Planleggingsdag etter påske 
Det er planleggingsdag 2. april – elevstart etter ferien er onsdag 3. april. 

God påske! 


Helsing oss på 9.trinn 

I plakaten over ligg det ein link til ein Forms der elevane skal ønske seg valfag for neste år. Det er viktig dei kryssar av for rett klasse, og rangerer ALLE valfaga i ønskt rekkjefølgje.

Elevane kan ønskja seg følgjande valfag:

Innsats for andre
Produksjon for scene
Utvikling av produkt og tenester (kantine)
Programering
Friluftsliv
Design og redesign
Fysisk aktivitet og helse
Kulturarv
Trafikk

Nytt i 10.trinn er at elevane kan velja valfaget trafikk. Trafikk handlar om kva det inneber å ferdast trygt i trafikken. Faget skal bidra til å oppnå nullvisjonen, ein visjon om at ingen skal døy eller bli hardt skadd i trafikken. Det handlar om at elevane forstår at me som trafikantar har ansvar for våre eigne val og vurderingar i trafikken. Viss elevane gjennomfører valfaget heile skuleåret 24/25 vil dei ha alt dei treng i trafikalt grunnkurs, bortsett frå mørkekøyring.

Som vanleg er det nokre faktorar som er avgjerande for om valfag blir starta opp. Dette har med tilgang på lærarar og talet på elevar. I tillegg kan det vera slik at ikkje alle elevar får førstevalet sitt. Elevar som tidlegare år ikkje har fått førstevalet sitt vil bli prioritert.

Elevane må svara innan fredag 23.februar.

Me hadde eit veldig kjekt vinterball for elevane våre torsdag kveld. Det såg ut som om alle kosa seg og hadde det triveleg.

Temperaturen blei veldig høg i diskoteket mot slutten av kvelden, men det ser me på som teikn på god danseaktivitet.

Tusen takk til elevrådet som arrangerte ballet, og til Are og Leopold som var fantastiske dj'ar og laga god stemning, og mange takk til 40 føresette som var vakter og som bidrog til eit trygt og godt miljø.

Torsdag 25. januar vil elevrådet arrangera vinterball på skulen. 

Ballet varer frå kl. 19.00-23.00 og det kostar kr 150 og inkluderer pizza og brus. 

Klassekontaktane får i ansvar å skaffa vakter frå kvar klasse og dei tilsette på Møllekjellaren vil også vera med oss den kvelden. 

Innbetaling til ballet: 150 kr kan betalast til Bryne ungdomsskule sitt VIPPS nummer: # 546674 - Merk betalingen med Vinterball, namn på elev og kva klasse eleven går i. Eleven viser kopi/bilete av kvittering/betaling til kontaktlærar som kryssar av på klasseliste. 

FRIST: FREDAG 19. JANUAR KL. 15.00.

Fjorårets ball var veldig kjekt og me trur det kjem til å bli like kjekt i år også.

Fleire dagar med kuldegrader har ført til at det er is på mange av vatna i kommunen.
I samband med dette vil me oppmoda alle føresette om å snakka med barna/ungdommane sine om ferdsel på islagde vatn. For eksempel at barn ikkje bør gå ut på isen før dei vaksne har sagt at dette er trygt. 
Nokre vatn der det er mykje straum, som for eksempel Mølledammen og Frøylandsvatnet, er aldri trygge. 

Du finn fleire råd på kommunen si nettside: Tenk tryggleik ved ferdsel på islagde vatn - Hovedportal (time.kommune.no) 

https://www.time.kommune.no/aktuelt/tenk-tryggleik-ved-ferdsel-pa-islagde-vatn.9157.aspx

Godt nytt skuleår! 

Terminslutt 
Fredag 12. januar er det terminslutt. Onsdag i veke 3 vil elevane få ei undervegsvurdering og karakter i alle fag på Visma. 

Søppelrydding i nærområdet. 
Me på 9.trinn har observert at det har vore mykje søppel rundt om kring etter jul og nyttårsfeiringa. Som ein del av det tverrfaglege temaet demokrati og medborgarskap, skal elevane 11.januar rydda søppel i nærområdet 4 - 6t. 

Utdanningsval fagdag 
Torsdag 18.januar skal elevane på 9.trinn delta på ein fagdag i 2 og 3. time. Då skal elevane få høyra tre foredrag om tre ulike utdanningsprogram. Rådgivar Knutzen har alt byrja å gå innom klassane for å gi informasjon om alle dei 15 utdanningsprogramma i den vidaregåande skulen. Etter fagdagen skal elevane setja opp tre ønskjer for kva dei vil fordjupa seg i når elevane seinare skal hospitera på vgs og ut i arbeidspraksis. 

Vinterball 
Som i fjor skal me halda vinterball på skulen. Datoen er sett til 25.01. Hald av datoen! Meir informasjon vil komma. 

Helsing oss på 9.trinn

Me her på Bryne ungdomsskule vil takka alle elevar og føresette for godt samarbeid denne hausten.

God jul til alle!

Første skuledag etter ferien er onsdag 3. januar 2024.

Elevrådet arrangerer Temaveke dei siste dagar før jul. Det startar opp måndag 11. desember. Følg med dag for dag. 

Det blir kåring av beste klasse med ein permie på 1000 kr! 

Hei Verden 
9.trinn skal gå med bøsser for å samla inn pengar til Hei verden. Datoen for å gå med bøsser vart flytta fordi det kolliderte med konfirmasjonsundervisning. Me skal ha ei pengeinnsamling 6.12 frå kl 17 - 19. Då skal elevane møta på skulen og gå med bøsser. Lærarane har fordelt elevane i grupper og tildelt ulike roder elevane skal gå. Elevar som bur på Hognestad vil få tildelt bøssene på slutten av skuledagen slik at dei kan byrja med innsamling med ein gong. Alle elevane møter tilbake på skulen og vil få bollar. 

Jul på BUS 
Då har me kome til desember månad, og me markerer det litt på BUS. Me har fagleg trykk heilt fram til jul, men me prøver å kosa oss litt inni mellom. Alle klassane skal pynta eit vindauge i klasserommet, så vil Elsa og Elisabeth D premiera beste vindauge. 14. Desember skal det vera julegudsteneste. Det er viktig at føresette går inn på Visma og registrerer samtykke. 
I veke 51 vil det berre bli delt ei vekeoversikt og ikkje vekeplan. Siste skuledag før jul er onsdag 20. Desember. 

Vurderingar 
Det vil vera tysk munnleg vurdering i fagtimane i veke 49. Elevane som har arbeidslivsfag skal ha munnleg framføring i veke 49 og 50. Tysdag 12.12 skal dei ha terminprøve i matematikk. 

Helsing oss på 9.trinn 

Elevbedrift:
23.11 frå kl 17 -18.30 skal me ha elevbedriftsmessa. Alle elevane skal då visa fram
bedriftene sine for familie og venner som ønskjer å komma å sjå. I tillegg vil ein jury
vurdera bedriftene og det vil vera prisutdeling mot slutten. Elevane må møte 16.30. og
etterpå må alle elevane vera må å rydde til kontaktlærar sjekker ryddinga, har opprop og
seier at klassen kan gå. Vell møtt!

Hei Verden
Då var det tida for Hei Verden igjen! I år samlar me inn pengar til landet Bangladesh. Målet
er å samla inn mest mogleg pengar som skal gå til å gi barn moglegheit til å gå på skule.
Elevane skal få vera med på ein kick-off måndag 20.11 kl 9 i aulaen. Dei vil óg ha nokre
timar der dei skal læra meir om landet dei neste to vekene.
9.trinn skal gå med bøsser for å samla inn pengar. Me skal ha ei pengeinnsamling 29.11
frå kl 17 - 19. Då skal elevane møta på skulen og gå med bøsser. Når dei er ferdige får dei
bollar og saft. Meir informasjon om dette vil komma.

Vurderingar:
22.11 skal alle elvane har skriveøkt i norsk i 1 - 3 time. Dei elevane som har spansk skal
ha munnleg vurdering i veke 48. Elevane som har tysk skal óg ha munnleg vurdering i
veke 48, men den skal strekke seg over i veke 49.

Foredrag Tannhelse Rogaland:
24.11 i 1.time kjem Tannhelse Rogaland og skal halda eit foredrag for 9.trinn om
tannhelse.

Helsing oss på 9.trinn

Elevbedrift 
Dei ulike bedriftene har no vorte etablerte og elevane har arbeida med forretningsidé, lagt ein plan og skrive samarbeidsavtale. Samtidig er dei i gang med å førebu produksjonen, marknadsføring, logo etc. 
I veke 44 og 45 byrjar produksjon og salsperioden for bedriftene. I løpet av desse vekene vil elevane få nokre halve dagar for å arbeida. Dette arbeidet kan elevane gjer i klasserommet eller heime hjå kvarandre. Bedriftene vil ikkje få tilgang til skulen sine spesialrom. 
Elevane skal visa fram bedriftene og produkta sine for føresette, familie og vener på ei messe i gymsalen på skulen, torsdag 16.november kl. 17-18.30.

DKS 
Elevane skal få sjå ei danseframsyning gjennom den kulturelle skulesekken tysdag i 3.time. 

Vurderingar 
Heile trinnet skal ha ei prøve i KRLE i 2.time torsdag. 

Elevsamtalar og utviklingsamtalar 
Lærarane gjennomfører for tida elevsamtalar og vil kalla inn til utviklingssamtalar fortløpande. 

Refleks 
Elevane fekk utdelt refleksbånd på torsdag, og me håper at alle brukar denne kvar dag. Det er mørkt om morgonen no, så det er viktig å bli sett i trafikken.  

Status på trinnet 
Den siste tida har me hatt ein innstramming angåande leikeslåssing på trinnet, då me har sett at det litt for ofte har gått for langt. Me merkar at elevane har teke beskjeden, og har allereie sett ei betring.

Helsing oss på 9.trinn 

Det går mot mørkare tider og me oppmodar om at me nå må finna fram refleksen igjen.

I samband med årets refleksdag torsdag 19. oktober, vil kvar ungdomsskuleelev få utdelt ein refleks frå Trygg trafikk designa av Maud Angelica Behn.